طريقة سهلة لتعليم اللغة الانجليزية في اقصر وقت هتتكلم انجليزي انجليزي

بنسأل نفسنا دايما .. مع اننا درسنا الانجلش في المدارس واتهرينا كورسات .. نجيب كتب ونقعد نحفظ في كلمات.. وفي الاخر لما نيجي نتفرج على فيلم امريكي بنلاقي نفسنا مش فاهمين حاجة ! .. وكل واحده تقول للي جمبها انجليزي ده يا مرسي ؟؟!!
والحل !! .. هو يعني يا اما نعيش في امريكا او بريطانيا او بلد اوروبي عشان نتكلم انجليزي كويس يا اما ندرس في مدارس اجنبي وجامعات امريكية .. يا اما خلاص عمرنا ما هنتقن اللغة
لجواب : لا .. جبتلكم طرق حديثة لتعليم اللغة الانجليزية بالشكل اللي يخليكى تتكلمى انجليزي زي الامريكان او الانجليز .. النتائج بتاعت الطريقة دي :
عايزه تتكلمى انجليزي زي الاجانب ؟؟؟ تعالى وتحدى
1- هتتكلمى انجليزي اسرع .. وبدون ما تفكىر في الجملة قبل ما تقوليها .
2- لما تتفرجى على فيلم اجنبي مش هتحسى انهم ( بياكلوا نص الكلمة ) .. وحتى لو كلوها كلها .. برضو هتفهمى .
3- النطق .. هيبقى زي الامريكان بالزبط !
4- هتتكلمى براحة وطلاقة .. ولما تتكلمى مع اجانب .. مش هتكونى محتاجه انك تركىز اوي عشان تفهمى هم بيقولوا ايه !
عايزه تتكلمى انجليزي زي الاجانب ؟؟؟ تعالى وتحدى
وعشان تحققى النتائج الهايلة دي لازم تغيرى طريقتك اللي بتدرسى بيها الانجليزي .. وتتبعى الطريقة اللي هقولك عليها :
1- ما تقعديش تحفظى في كلمات انجليزي !
ما تستغربيش .. أيوة ما تضيعيش وقتك بحفظ لستة كلمات وفي الاخر مش هيثبت في دماغك منهم الا كلمتين تلاتة .
والبديل ؟؟؟ احفظى عبارات انجليزي .. لأن العبارة او الفقرة بتتكون من مجموعة من الكلمات المترابطة مع بعضها بشكل انسيابي , لما تصادفك كلمات جديدة .. ترجميها واعرفى معناها .. لما تيجي تراجعيها راجعى الفقرة كلها اللي وردت فيها الكلمات دي .. مش تراجعى الكلمة وتسيبى العبارة .. كده غلط !
الطريقة دي بتخليكى تتعلمى الانجليزي بشكل اسرع من 4-5 مرات من طريقة دراسة المفردات لوحدها ..
2- ما تدرسيش قواعد انجليزي ( Grammar)!
ىاركنى كتب الجرامر اللي عندك على جمب .. الجرامر هيعلمك تفكىر اوي في الجملة قبل ما تقوليها .. بس انتى مش عايزه كده .. انتى عايزه تتكلمى بسرعة .. زي الاجانب ! .. لو عايهز تدرسى جرامر انتى حره .. بس هتكونى بتضيعى وقت .
3- اسمعى وجاوبى , ما تسمعيش وتكررى اللي سمعتيه .
ازاي ؟؟
اسمعى قصة انجليزية قصيرة وعليها اسئلة بسيطة وسهلة وجاوبى على الاسئلة .. كررى سماعها لحد ما تقدرى تجاوبى على كل الاسئلة بتاعتها .. كل مرة هتسمعى فيها السؤال هتلاقي نفسك بتجاوبى عليه بتلقائية .. بدون تفكير , يعني هتكتسبى مهارة انك تجاوبى على الاسئلة الموجهة ليك ى بالانجليزي ( اتوماتك ) .. زي الاجانب !
4- ادرسى الاصطلاحات التعبيرية الشائعة باللغة الانجليزية .
عايزه تتكلمى انجليزي زي الاجانب ؟؟؟ تعالى وتحدى
يعني ايه ؟؟
الاصطلاح التعبيري هو عبارة عن كلمتين او اكتر بيحملوا معنى كلمة وحدة .. ودي مش هتلاقيها في القاموس !
مثلا مصطلح : high and dry , واحهد ما بتعرفش مصطلحات هترجمها لـ : عالي وجاف ... و طبعا غلط !
الكلمتين دول مع بعضهممعناهم : سالم غانم .
يعني فلان رجع من السفر سالم غانم ! أيوة هو ده المعنى عند الاجانب .. وده اللي بنسميه تعبير اصطلاحي .
مثال تاني : كلمة يُنهي .. طبعا معروفة يعني end أو finish , بس مرات الاجانب ما بيعبروش عنها بكلمة end !
بيعبروا عنها بكلمتين : break up .. يعني : end = break up , وأكيييد عندنا مئات التعبيرات الاصطلاحية .. بس احنا بنقولك احفظى منها الاكثر شيوعاً عند الاجانب , لان الاجانب بيستخدموها طول الوقت , عشان تفهميهم لما يتكلموا بسرعة .. لازم تفهمى التعبيرات الاصطلاحية الشائعة بشكل كويس .
عايزه تتكلمى انجليزي زي الاجانب ؟؟؟ تعالى وتحدى
طب ازاي اتعلم التعبيرات الاصطلاحية دي ؟؟ ومنين ..!
أ - ملفات كتيرة مخصوص للتعبيرات دي موجودة في الانترنت ممكن تحمليها من اي موقع , أو انك تشتري قاموس للاصطلاحات الامريكية .
ب - اسمع اللغة من اصحابها الاصليين ( افلام , برامج , محادثات مخصوصة لتعليم الانجليزي زي الاجانب .. الخ ).
5- التركيز على مهارة الاستماع :
مهارة الاستماع هي اكتر طريقة فعالة للي عايزين يتكلموا انجليزي بطلاقة ..
انك تقرأى انجليزي من كتاب وتحاولى تكتبى دي حاجة كويسة .. بس عشان تتكلمى زي الاجانب لازم تركزى اكتر على الاستماع للاجانب !
عايزه تتكلمى انجليزي زي الاجانب ؟؟؟ تعالى وتحدى
طب اسمع ايه ؟؟ قبل ما اقولك تسمعى ايه لازم اقولك ايه اللي المفروض ما تسمعهوش !
ما تجيبيش كتب انجلش ومعاها سي ديز للنطق ! ده غلط .. ليه ؟؟ لان الانجليزي اللي بتسمعيه من السي ديز دول انجليزي بيتقال بشكل رسمي .. وبيحاول دايما ينطق الكلمة بكل وضوح لانه الهدف تعليمي .. ده غير ان مفيش عاطفة في التعبير .. ومش ده اللي احنا عايزينه .. احنا عايزين نتكلم زي الاجانب بتلقائيتهم وعفويتهم .. عايزين نفهم الافلام بدون ترجمة !
المشكلة التانية الموجودة في السي ديز دي انها بتديكى الكلمات منفردة .. بس الاجانب عندهم كلام كتير بيخلطوه في بعضه بشكل سريع اللي مش متعود عليهم ما بيفهموش .. زي : outta واللي هي عبارة عن out of
وكمان زي : I'm gettn outta here ...يعني : I am getting out of here يعني انا عايزه امشي أو I am leaving .
طب اسمع لايه ؟؟ اسمع للافلام .. للبرامج الاجنبية .. المحادثات الاجنبية الطبيعية .. هقولك على طريقة كويسة :
اشتري فيلم اجنبي .. وركزى على مشهد معين .. حاولى تستخرجى الكلمة اللي ما بتعرفهاش وتكتبيها على جمب .. الترجمة العربي الموجودة هتساعدك , عيد ى المشهد كزا مرة بتركيز ,, وكل ما تعيد ى اكتر حاولى ما تبصيش للترجمة العربي ,, تعالى بعد كزا ساعة .. عيدى نفس المشهد .. بالليل قبل ما تنامى عيدى نفس المشهد .. كرىر المشهد في اوقات متفرقة على مدار اليوم .. وافضلى على الحالة دي لمدة اسبوع
النتيجة : هتلاقي نفسك حافظه المشهد بنفس الطريقة الطبيعية اللي اتقال بيها في الفيلم ! وحافظه الكلمات اللي فيه .. وحافظه التعبير الاصطلاحي الموجود ..
الاسبوع اللي بعده .. المشهد اللي بعده .. وما تقوليش صعب مش فاهمه حاجة وتقفلى ..لا .. التكرار يعلم الشطار !
والزن عالودان اقوى من السحر .. كتر الاعادة هتحفظك المشهد حتى لو مش فاهمه لحد ما يخلص الفيلم بالطريقة دي .. هتكونى حافظه 90% من محادثات الفيلم بشكلها الامريكي الطبيعي .. وبنفس النغمة الطبيعية اللي بتخرج من الممثلين !!!
تخيلى بعد كزا فيلم ايه النتيجة؟؟؟ !!
الانجليزي بتاعك هيكون انجليزي امريكي وكأنك كنتى عايشه هناك !!
عايزه تتكلمى انجليزي زي الاجانب ؟؟؟ تعالى وتحدى
باختصار :
( عايهز تتكلمى انجليزي كويس اوي ؟ اسمعى انجليزي كويس اوي اوي اوي )
7- معلومة : عشان تتكلمى انجليزي كويس جدا انتى مش محتاجه تحفظى عشرات الالاف من الكلمات والقواعد الانجليزية !
كل اللي محتاجاه انك تحفظى وتتعرفى على الكلمات والقواعد اللي بيستخدموها الاجانب يوميا .. واللي لازم تعرفيه ان القواعد والكلمات اللي بيستخدموها بشكل يومي عبارة عن 20% من كلمات وقواعد اللغة الانجليزية بس ! معقولة !
ايوة .. الاجانب المتعلمين ودارسين انجليزي كويس جدا بيعرفوا اكتر من 50.000 كلمة انجليزي واغلبها بيستخدم في المناهج التعليمية بتاعتهم .. بينما نفس الاشخاص دول .. بيستخدموا 3000 كلمة من الـ 50.000 كلمة في محادثاتهم اليومية العادية .. وده اللي احنا عايزينه !
عشان كده لما نشوف كتاب جرامر كبير .. وكميات عجيبة من المفردات .. مش لازم يجينا احباط ونقول هو انا هحفظ كل ده ؟؟!! .. اكيد لا ! .. انتى احفظ اكتر 3000 كلمة شائعة .. واكتر 100 مصطلح تعبيري شائع .. اسمعيهم وادرسيهم كويس اوي .. هتلاقي الانجليزي بتاعك بقى هايل .. ولو عايزه تتعلمى اكتر الموضوع بالنسبالك هيبقى اسهل .
اتمنى اكون قدمت مافيه الفايدة للي نفسهم يتكلموا انجليزي بطلاقة
عايزه تتكلمى انجليزي زي الاجانب ؟؟؟ تعالى وتحدى
يوجد في اللغةالانجليزية بعض العبارات التي تطلق و يراد بها معنىً آخر غير المعنى الحرفي لها مماقد يسبب بعض الاشكاليه في فهم بعض المحادثات .. و قد احببت ان اذكر بعضها فيما يلي :
Break the ice
المعنى الحرفي : اكسر الثلج
المعنىالمجازي : مهد الأمور او مهد الطريق لأمر ما
He looks blue
المعنى الحرفي : هو يبدو ازرقاً
المعنىالمجازي : هو يبدو حزيناً
She is in the clouds
المعنى الحرفي : هي في الغيوم
المعنى المجازي : هي شاردة الذهن
I will go banana
المعنى الحرفي : سأصبحموزة
المعنى المجازي : سأجن او سأفقد عقلي
It rains cats and dogs
المعنى الحرفي : انها تمطر قططاً و كلابا
المعنىالمجازي : انها تمطر بغزاره
This is nuts
المعنى الحرفي : هذه مكسرات
المعنىالمجازي : هذا جنون او هذا هراء
It's a piece of cake
المعنى الحرفي : انها قطعة من الكيك
المعنى المجازي : إنه لأمر سهلجدا
He leads a dog's life
المعنى الحرفي : هو يحيا حياةالكلاب
المعنى المجازي : هو يحيا حياة مليئة بالقلق
He is a black sheep
المعنى الحرفي : هو خروفاسود
المعنى المجازي : هو شخص سيء الأخلاق
This is a hot air
المعنى الحرفي : هذا هواءٌ حار
المعنى المجازي : هذا كلام لا فائدة منه
عايزه تتكلمى انجليزي زي الاجانب ؟؟؟ تعالى وتحدى

ok

شكرررررررررررررررررررررررررررررررا

مشكووووووووووووووووووووووووووووووووووووووووووووووووور

thanksssssssssssss

thannnnnnnnnnnnnnnnnnnnnnnnnnnnnnnks

جزاكم الله كل خير

جزاكم الله كل خير

niiiiiiiiiiiiiiice thanks a lot

where's the link