استطلاع رأي

أنا طالبة أزهرية رايحة أولى ثانوي

السنة اللي فاتت طبعا كنت في ثالثة اعدادي بس كنت باخد دروس في جميع المواد مكنتش برجع البيت الا الساعة 9 بالليل مكنتش كمان بلحق اعمل واجب المدرسة فمكنتش بروحها

بس الحمد لله مستوايا في الدروس كان عالي بس للأسف جيت في الآخر مكنتش ملاحقة أذاكر من كتر حصص المراجعة في الدروس
جبت في الآخر 93 % طبعا مش حلو ومش عاجب أي حد

من رأيكم أعمل إيه السنة دي؟؟
آخد دروس ولا لأ؟؟
وهل لو اعتمدت على الكمبيوتر ممكن ينفعني زي الدروس ؟؟


ساعدوني ولكم جزيل الشكر

بصى الافضل لكى فى الثانوية العامة هى الدروس الخصوصية لان معظم اوائل الثانوية العامة فى السنوات السابقة قالوا ان الدروس الخصوصية سبب تفوقهم وان نظام الدراسة فى المدرسة لم يكن يشمل اجزاء المنهج الصغيرة قبل الكبيرة
نصائج بالنسبة للدروس
لاتاخذى فى مركز لان المركز تعطى حصة واحد فقط لكل مادة فى الاسبوع يعنى حوالى 12 حصة فى الترم يعنى مش تلحقى تخلصى اى حاجة
فى مواد لازماً ولابد انك تخدى فيها دروس
مثل
اللغة الانجليزية والرياضيات واللغة الثانية والكيمياء والفيزياء
دى اهم المواد اللى لازم تهتمى بيهم
وانصحك على ذلك بمادة الاحياء واللغة العربية

الرياضة أكيد هاخد فيها لكن الانجليزي بالنسبة ليا كتجريبي مش مشكلة والعربي عندي 6 مواد مش كتاب واحد


اما الأحياء ماما هتشرحهالي



اللي انا خايفة منهم الحاجات الجديدة الفيزياء والكيمياء

والمشكلة ان عندي مفيش مدرسين ثانوي خصوصي

شوفى احسن مدرسين فى المنطقة اللى انت سكنه فيها وخذى معهم
الفيزياء والكيمياء اذا ذكرتيها من الاول بجد واجتهاد هتلاقيها سهلة خالص
واهم حاجة المراجعات النهائية

ربنا يسهل يارب انا خايفة لإن في ناس كتير بيلوموني اني دخلت علمي وبيقولو صعب

مافيش حاجة صعبة على اللى بيذاكر وانا اخذت المواد العلمية محتاجة فقط انتظام + مراجعات على كل درس
لاتقلقي

ربنا ييسر انا بحب المواد العلمية جدا بس تفرق الاعدادي عن الثانوي طبعا

بل بالعكس المواد العلمية نفس دروس الاعدادى بس عليها شوية معلومات جديدة
يعنى هتلاقى فى دروس اخذنها فى الاعدادى وبنخدها فى الثانوي

طيب خير ربنا يطمنك بكلامك انا كده معنديش مشكلة الحمدلله في الفيزياء والأحيا لكن الكيمياء و الكيمياء العضوية مش سهلة

الكيمياء العضوية فى تانية وثالثة مش عندكم فى اولى
انا لسه مااخذتس الكيمياء العضوية بس ان شاء الله اكيد مافيش حاجة صعبة

منهج الأزهر في العلمي مختلف عن العام بس متخافش انا سمعت انها حلوة لو بتحب الكيمياء نفسها

ان شاء الله تكون سهلة وممتعة

ان شاء الله

بالتوفيق يارب